ചെരുപ്പും പ്രാര്‍ത്ഥനയും

അയാളെന്നും പ്രാര്‍ത്ഥിക്കാനായി പള്ളിയില്‍ പോകും.മിനിട്ടുകളോളം അയാള്‍ പ്രാര്‍ത്ഥിക്കും.വര്‍ഷങ്ങളായി പ്രാര്‍ത്ഥിച്ചിട്ടും അയാളുടെ പ്രാര്‍ത്ഥന്അ ഫലവത്തായില്ല.അയാള്‍ ദൈവത്തെ തേടിയെത്തി.ദൈവത്തോട് അയാള്‍ ചൂടായി.ദൈവം പുഞ്ചിരിച്ചുകൊണ്ട് പറഞ്ഞു,“ഞാന്‍ നിന്റെ പ്രാര്‍ത്ഥന കേട്ടിട്ടുണ്ടല്ലോ?”അയാളത് സമ്മതിച്ചില്ല.അയാളെന്തായിരുന്നു പ്രാര്‍ത്ഥിക്കുന്നതെന്ന് ദൈവം ചോദിച്ചു.താനെന്നും പ്രാര്‍ത്ഥിക്കുന്നതെന്താണന്ന് അയാള്‍ പറഞ്ഞു.ദൈവം അവനോട് പറഞ്ഞു.”നീയെന്നുംചെരുപ്പ് അഴിച്ച് വെച്ചിട്ട് പള്ളിയില്‍ കയറുന്നുടനെ പ്രാര്‍ത്ഥിക്കും”ദൈവമേ എന്റെ ചെരുപ്പ് ആരും എടുത്തോണ്ട് പോകാതെ കാത്തുകൊള്ളേണമേ എന്ന്.അതുകേള്‍ക്കുന്നുടനെ ഞാന്‍ നിന്റെ ചെരുപ്പിന് കാവല്‍ നില്‍ക്കാന്‍ പോകും... പിന്നെ നീ എന്തൊക്കെയാണ് പ്രാര്‍ത്ഥിക്കുന്നതെന്ന് ഞാനെങ്ങനെ കേള്‍ക്കാനാണ് ”